Vargu i ditës: "Disa kanë besim te qerret dhe të tjerë te kuajt, por ne do të kujtojmë emrin e Zotit, Perëndisë tonë". Psalmi 20:7
Me siguri që mund të kesh rastisur në ndonjë bisedë kur ndonjëri nga miqtë, sapo ka blerë një makinë dhe fillon edhe e përshkruan me detaje. Është e këtij viti, kap kaq shpejtësi për kaq km... të jep siguri se ka kaq sisteme frenimi, opsione të ndryshme etj etj...
Biseda të tilla ka plot e megjithatë mund të themi me plot gojë se sërish ka aksidente dhe shumica e tyre nuk kanë kuptim fare për shkak se makinat janë shumë të reja dhe kanë qindra opsione... Njerëzit e vendosin besimin te makina për shkak të gomave, frenave, sistemeve të drejtimit etj...
Dikush ka thënë: "Të kesh besim te Zoti është e vetmja shpresë dhe siguri. Kjo na siguron që gjithçka do të shkojë mirë sepse Ai është me ne në kohët tona më të vështira".
Gjithçka që mund të të duket e sigurt dhe që të jep siguri për momentin, është thjesht e përkohshme. Perëndia është ai që kujdeset dhe është burimi i sigurisë. Ne kemi besim tek Ai sepse Ai asnjëherë nuk dështon dhe është siguria jonë. Të gjitha gjërat shkojnë e vijnë dhe gjërat ndodhin gjithsesi sepse e kemi vënë besimin tonë në vendin e duhur... Ne kemi besim te Perëndia, jo të gjërat...
Pëshpërit Një Lutje
O Atë faleminderit që kudjesesh për mua. Unë kam besim te Ti Zot sepse ti je burimi i sigurisë dhe ti je i pandryshueshëm. Zot unë do të kem besim tek Ti, dhe jo në gjërat që kam... Lutem që do ta kujtoj këtë gjë çdo ditë Zoti Jezus... Amen.